JAZBAY….!

Kiyuon lafz zaroori hein akhir,
Bayan kai liyaee?
Jazbay tu ehsaas hotay hein,
Khud aik awaz hotay hein
Kabhi ankhon kai rastay sai,
Tu kabhi khayal sai
bina soochay, bina chahay,
yeh pohunch hi jatay hein
yeh kab ropoosh rehtay hein,
kab khamoosh rehtay hein
yeh na dastaras mein hotay hein,
aur na ikhtiyar mein
jazbay tu khudmukhtar hotay hein,
bai-ikhtiyar hotay hein
jo rokay nahi ruktay,
chupayae nahi chuptay
haan jazbay khud aap apni hi,
aik zaban hotay hein.

(SAMREENA)