AIK UNKHULI KITAAB!

Aik unkhuli kitaab huon,
Kuch ankahay alfaaz huon
Khud mein hi simntee hui,
Har lamss sai bai nayaaz huon

Kissi sai mera kiya waasta,
Hai kisko meri khabar
Jo aaj huon tu kal nahi,
Iss jag mein aik mehmaan huon

Aik saraab huon,
Na dhoondo mujhay
Aur na chaho,
Keh mein aik khwab huon

Kuch saansain abhi jo baqi hain,
Aik pal hi simant jayain
Aur uss aik mein usko jaan luon,
Jis rab ka mein khayal huon

(SAMREENA)